À Christiaen Utenbogard, le 16 juin 1665
Note [s]
Ms BIU Santé no 2007, fo 192 ro.
Cl. Viro D. Christ. Utenbogardo, Ultrajectum.
Data occasione pauca hæc ad Te scribo : vivo et valeo : Tui sæpe memor, ut
et tot beneficiorum à Te acceptorum, ideóq. Tibi addictissimus. Quî se habent amici
nostri vestrates, præsertim v. D. Mart. Scchoockius, Henr. Vander Linden, Ant. Deusing :
Quandonam veniet nova Editio, auctior illa M. Sch. de Cervisia ? quam utinam vid[ere]
possim ante obitum. Anna Austriaca, Regina Parens male semper habet ex mamma
sinistra, ad cujus curationem nihil possunt aulicorum Medicastrorum variæ artes, ut neq.
sacrificulorum et Chymistarum variæ pollicitationes : sed isthæc singula redolent
improbitatem hominum, fatuitatem eorum qui volunt decipi, et iniquitatem sæculi. Vale,
Vir Cl. et me ama. Parisijs, 16. Iunij, 1665. Tuus ex animo G.P.