À Sebastian Scheffer, le 29 janvier 1665
Note [t]
Ms BIU Santé no 2007, fo 184 ro.
quo judicio audito, quamvis à multis non expectato, Rex noster, capto cum sapientibus statim, i. post bihorium, exilij pœnam commutavit in exilium perpetuum, et post biduum
consilio,
per centum equites abductus fuit è carcere in urbem quandam dictam Pignerol, in Pedemontana
regione : sed illa Urbs pertinet ad Regem nostrum, per emptionem factam ex Duce Sabaudiæ :
quamdiu sit illic hæsurus, nemo novit præter Deum. Hîc agitur de Regina Matre, Anna
Austriaca, quæ laborare dicitur in mamma sinistra, cancro ulcerato, ^ cum totius corporis. extenuatione. quib. gradibus itur in
requiem sempiternam. Iunior Regina convalescit. Primogenitus noster, Delphinatium
regulus, nostræ spes altera gentis, pancraticè valet : servet eum Deus in multos annos :
nec unquam nisi valde prudens et provectæ ætatis, i. regendæ Galliæ peritissimus, maximo
Patri succedat : Dicam cum Martiale, de filio Domitiani, epigr. 3. libri. 6.
Nascere Dardanio promissum nomen Iulo,
Vera Deûm soboles, nascere, magne puer :
Cui pater æternas post sæcula tradat habenas,
Quique regas orbem cum seniore senex. etc.
Inter Anglos et Batavos gravissimum bellum imminet, super maris dominio. Hîc tres
è nostris senioribus, ad plures abierunt ; Ego v. sequar, sed quamdiu superstes ero, tuus ero.
Saluto Cl. Parentem, venerandum Senem, ut et ambo Filij mei : unà cum D. Horstio,
Lotichio, Gotzio vestro, Beyero, et alijs amicis. Vale Vir Cl. et me ama. Parisijs,
die Iovis, 29. Ianu. 1665.
Tuus ex animo, Guido Patin.