À Werner Rolfinck, le 27 avril 1666
Note [s]
Ms BIU Santé no 2007, fo 207 vo.
Cl. viro D. Guern. Rolfinkio, Ienam.
Amici ad vos abeuntis, et in patriam revertentis occasione data, pauca hæc ad Te scribo,
ut scias me vivere et valere, singulari Dei Opt. Max. beneficio. Quod antehac Tibi destinata,
et à me transmissa tandem acceperis, quæ Tibi grata fuerint, seriò et vehementer lætor.
Si quid aliud cupias ex hac Urbe nostra, imò ex tota Gallia, scribe et indica quid requiras :
nobis non deerit Cl. Volcamerus. Dominum Schenkium, Collegam vestrum saluto. Vale, Vir
præstantissime, et me ama. Parisijs, 27. Aprilis, 1666. Tuus ex animo, Guido Patin.