Ms BIU Santé n^o 2007, f^o 214 r^o.

II. 2. Audivisti, imò vidisti et novisti Mel. Adamum ; multa scripsit de vitis Ic.
et Theologorum Germanorum : ut et Medicorum : sed ab eo tempore multi alij intervene-
runt Medici, etiam hodie fato functi : superest numerus amplissimus eorum, ex
quorum vitis collectis posset alter tomus confici ; de viventibus non loquor : eos tamen
intelligo qui ad plures abierunt, ab annis circiter L. quales fuerunt ex tua familia duo aut tres : Dan.
Sennertus, Caspar Hofmannus, Caspar et Io. Bauhinus, Platerus, Stupanus, et alij infiniti : utinam
aliquis apud vos superet, qui tam bonum opus et fructuosum laborem apud vos aggre-
diatur, in vestræ Germaniæ laudem, et Reipublicæ literariæ commodum : votum meum
Tibi indico, utinam per Te aliquis exoriatur, qui me voto damnet. 3. Ante annos 6.
i. anno 1660. unam ex tuis accepi per quendam nobilem eruditum, dictum D. Pentz de
Pentzenau : dum hîc apud nos ille vixit, liquos libros aliquos à me mutuò accepit, quos etiam
reddidit præter unum, nempe Seldenum, scriptorem Anglum, de lege Naturæ, in fol.
sanctè pollicitus erat mihi remissurum, nec tamen præstitit : si vivat ille apud
vos, refrica illi quæso, memoriam accepti beneficij, et libri non redditi. Vale, Vir Cl. et
me ama, cum tuis omnibus, præsertim Filio, et D. L. Straussio, genero tuo. Parisijs,
x. Febr. 1667.

Tuus ad omnia, Guido Patin.