À Johann Georg Volckamer, le 27 octobre 1668
Note [s]
Ms BIU Santé no 2007, fo 226 ro.
Cl. Viro D. Io. Georgio Volcamero, Med. Doctori, Noribergam.
Ignosce quæso, Vir Cl. si tardius ad Te scribo : diuturni mei silentij
causa est non imminutus in Te amor meus, (plurib. enim nominibus me Tibi obstri-
ctissimum esse seriò et ex animo profiteor,) sed variorum negotiorum moles quib.
tamen non obruor : scribo igitur ut scias me vivere et valere, Tibi addictissimum :
rogóq. ut quum volueris ad me scribere, per Te sciam quid pro me feceris im-
pensarum in emendis ijs quæ antehac ad me misisti, ut Tibi satisfaciam. Cl.
viros saluto, D.D. Richterum, Dilherum, Fabricium, Felwingerum :
ut et alios si qui sint qui nobis faveant. Quî valent viri optimi D.D.
Rolfinkius et Schenkius, Prof. Ienenses ? Quid habetis novi de Medicina ?
quid nuper editum Lipsiæ de fragmento Petronij : quid de adulterino isto fœtu
scripsit ante obitum Cl. Thomas Reinesius ? Tandem curis meis editam hîc
habeo Apologiam pro Gal. viri Cl. D. Casp. Hofmanni, cujus exemplar Tibi