À Johann Georg Volckamer, le 27 octobre 1668
Note [t]
Ms BIU Santé no 2007, fo 226 vo.
destinatam tradidi D. Nic. Picques, nunc Ædili Parisiensi. De rebus publicis
nihil habemus novi, à pace cum Hispano sancita. Turcæ adhuc hærent
in obsidione Candiana : nec quidquam promovent, tanta est eorum ignavia,
nec castra sua deserunt, aut in Scythiam suam recedunt, unde ante annos 16.
et 200. malum pedem attulerunt, tanta est Hispanorum et ac Italorum Princ.
socordia et supina oscitantia. Tota controversia de transfusione sanguinis
feliciter evanuit, et in fumos abijt, non sine summo suorum præconum opprobrio.
Hîc fruimur profunda pace, quæ utinam perennet in multos annos. Vale, Vir Cl. et
me ama. Parisijs, 27. Oct. 1668. Tuus ex animo, Guido Patin.