À Johann Georg Volckamer, le 28 février 1669
Note [s]
Ms BIU Santé no 2007, fo 229 vo.
Cl. viro D. Io. G. Volcamero, Med. Doctori, Noribergam.
Speciosum illud nugamentum, ab otiosis hominibus excogitatum, de transfusione
sanguinis, planè evanuit, ac in fumos abijt, nec infeliciter, præter paucos, in quib.
tale figmentum non successit. Heri accepi per D. Nic. Picques, duos illos fasciculos tuos, pro
quib. quam possum ingentes habeo gratias : unus erat tuus, et major : alter D. Rolfin-
cij, longè minor, 4. dumtaxat habebat Disput. D. Rolfincij : impensarum à Te factarum
pretium, indicabis quum volueris. Vestros omnes viros eruditos saluto, imprimis v. D.D.
Richterum, et Iac. Pancratium Brunonem, cui posthac respondebo. Vale, Vir Cl. méq.
quod facis amare perge. Parisijs, 28. Febr. 1669. Tuus ex animo, G.P.