Commentaires de la Faculté de médecine de Paris
BIU Santé, tome xiii, f^o 450 v^o.

præsens Decretum illi esse significandum, per
bidellum : quod factum est. Et de his singulis
sic conclusit Decanus.

    Die Veneris 12. Maij, 1651. convocata
Facultas per juramentum, decrevit condendum
esse à Decano Decretum adversus eos qui
consilia medica inibunt cum extraneis et
illicitè Medicinam facientibus, quales sunt
infra nominati, Valot, Moussin, Vezou,
Bloire, Madelin, et alijs ejusdem farinæ
hominibus, typis mandatum, et unicuique
Doctori duo exemplaria mittenda, ut inde
omnes ac singuli Doctores intelligant si
secus fecerint, se mulctatum iri jacturâ
honorum, privilegiorum et emolumentorum
Scholæ. 2. Mag. Petruso le Mercier
superioribus comitijs damnato, hîc verò
supplicanti, ignovit saluberrima Facultas,
veterem culpam condonavit, ea lege ut in
posterum sapiat, et pristinæ dignitati
in integrum restituit. 3. Barbitonsoribus
Chirugis annuit petentibus adjunctionem
nostram adversus quendam magisterij
Chirurgiæ Candidatum, dictum Gorgeret,
in magno Consilio, ut nimirum ille à
quatuor juratis examinetur more solito,
in camera Chirurgicorum, præsente Decano
Facultatis, et duobus Doctoribus a Decano
selectis.