Commentaires de la Faculté de médecine de Paris
BIU Santé, tome xiii, f^o 457 v^o.

suisque, arcanis, ut vocant remedijs, et ijs quas
falso nomine venditant antidotis, famam
quærant aliquam, emendicatis à quibusdam
Scholæ Doctoribus vel prece vel pretio literis,
quasi publico Facultatis instrumento, abu-
tuntur, ad fidem faciendam suæ eruditionis,
et eorum quæ divendunt remediorum.
A nonnullis quoque Doctoribus probatos
quosdam de re Medica libros, vel indi-
gnos qui in lucem emitterentur, vel quos
certè satius erat carere ea commendatione
quæ ex gravium ac eruditorum virorum
testimonio solet accedere : indeq. fieri,
ut quod paucorum culpâ contra antiquum
morem, minùs consideratè gestum est, universo
ordini imputetur, simúlq. credula et incauta
plebs fictis testimonijs in fraudem induca-
tur : Saluberrima Medicinæ Facultas,
re in maturam deliberationem vocata, ut
quod olim postulante viro clarissimo, Mag.
Ioanne Fernelio, anno 1554. de ea fuit
decretum redintegret, nec à veteri disciplina,
cujus semper fuit tenacissima, latum
unguem recedat ; Unanimi consensu sancit,
ne sit penes ullum Doctorem, aut etiam
ipsummet Decanum, potestas approbandi
cujuscumque privati hominis remedia,
trochiscas, pilulas, pulveres, opiatas,