Note [a]
Acta, Comitia et
Decreta Facultatis.
Die Sabbathi, 23. Decembris, 1651. horâ
sesquiprimâ pomeridianâ præcisè, convocati sunt
Doctores omnes in Scholas superiores, per schedulam,
more solito : ibi Decanus retulit toti Ordini,
sibi ante paucos dies mandatum fuisse ab Illustris-
simo viro D. Matthæo Molé, Parisiensis Senatûs
Principe, et sacri Sigilli Custode, ut nomine DD.
Præfectorum Nosocomij Parisiensis, convocaretur
Facultas, et ab ea peterentur duo Medicinæ
Doctores, qui Christiana charitate impulsi,
vellent suppetias ferre tribus nostris Collegis,
Nosocomij Parisiensis ordinarijs Medicis, plus
æquo gravatis, ac penè deficientibus sub onero
tot ægrorum quotidie invisendorum, propter