"Correspondance complète de Guy Patin et autres écrits, édités par Loïc Capron." est mis à disposition selon les termes de la
licence Creative Commons Attribution - Pas d’Utilisation Commerciale 4.0 International.
Note [av]
Commentaires de la Faculté de médecine de Paris
BIU Santé, tome xiii, fo 521 ro
Quartò. De duabus quæstionibus quas Decano propo-
suerat Daniel Arbinet, Licentiatus, eásq. acceperat à
Mag. Francisco le Vignon, Doctore Medico, futuro Præside
in ejus vesperijs et doctoratu, per subdelegationem Mag.
Nicolai Richard, pro Magistro Quintino Thevenin,
absente, et tunc, ob minùs prosperam valetudinem,
Catalauni, quæ erat ejus patria, agente. Erant autem
illæ quæstiones, pro vesperijs : An ad Medici famam,
Collegarum maledicentia ? pro Doctoratu : An curandis
morbis Antimonium ? Sena ? De quibus singulis sic
censuit Facultas.
Ad primum. Pro tertia vice decrevit instituendum
esse Examen ad proxima Remigialia, in Scholis
superioribus, more solito, ut hac arte, ex lege Statuti,
medeamur paucitati Baccalaureorum.
Ad secundum. Accipiendas esse literas Candidatorum,
quas Decanus et Censor probabunt, apud virum
optimum, Mag. Nicolaum Quintaine, Scribam
Academiæ Parisiensis, et referent Facultati, die
Sabbathi proximo, 28. Septembris, ut admittantur
ij quorum Literæ fuerint probatæ.
"Correspondance complète de Guy Patin et autres écrits, édités par Loïc Capron." est mis à disposition selon les termes de la
licence Creative Commons Attribution - Pas d’Utilisation Commerciale 4.0 International.