Commentaires de la Faculté de médecine de Paris
BIU Santé, tome xiii, f^o 530 r^o

factus est Magister Ioannes Pietre. Botanicus Professor
per oblivionem quandam omissus est : sed illius electionis cura
penes Dominum Decanum futura est in primis comitijs.

    Eodem instanti Magister Guido Patin, ex-Decanus,
novo decano Magistro Paulo Courtois tradidit claves
arcæ, utrumque sigillum argenteum catenulæ argenteæ
innexum, humerale coccineum sive epomida, et antiquum
librum Statutorum Facultatis Medicinæ Parisiensis,
quæ singula sunt insignia Decani à Facultate nuper
electi, accepti et probati.

    Faxit Deus omnipotens, ut Magister Paulus
Courtois, divina quadam sorte successor meus, omnes
alios Decanos superet fidelitate, sedulitate ac
diligentia, imò et ipsa omnia regendi felicitate, in
saluberrimæ Facultatis Medicinæ Parisiensis commo-
dum ac emolumentum : ego certè quantum in me fuit,
saluberrimæ Facultatis res et negotia promovi et
procuravi : pro virili et quidquid potueram, generosè
præstiti : denique, ut liberè dicam cum Cæsare apud
Suetonium, Omnia facienda feci, sed eventus fuit
in manu Fortunæ, tunc temporis pro libidine o<mn>ia
agitantis, per bellicos tumultus : spero tamen