Commentaires de la Faculté de médecine de Paris
BIU Santé, tome xiii, f^o 506 v^o

    Quoniam tamen et ingens alter numerus
eorum, qui, duobus alijs monitis, volebant
Magistrum Bertinum Dieuxivoye, Cenomannum,
eâ pœnâ mulctari quam apprime meruisse vide-
batur, nempe privatione emolumentorum per
annum integrum : adversus illam decani conclusio-
nem nuper pronuntiatam insurrexerunt quamplurimi
Doctores, non quod aliter à Decano sentirent, sed quod
illam saluberrimæ Facultatis clementiam ferre nec
vellent, nec possent : itaque postulante viro optimo
Magistro Paulo Courtois, Censore, ut res ipsa re-
remitteretur ad alia comitia per juramentum, omnes
statim inerunt in eam sententiam, neque tres illos
Doctores eo ipso die à decano esse monendos : sed
totum illud esse reijciendum ad proxima Comitia,
quæ intra triduum habebuntur per juramentum, in
quibus tota illa controversia difficilis et molesta, denuo
agitabitur, ad incudem revocabitur, atque discutietur,
secundum leges nostras. De quibus singulis sic
conclusit Decanus.

    Die Iovis, 29. Februarij, 1652. hora
secundâ pomeridianâ, convocatis Doctoribus
per juramentum, ex schedula per bidellos ad