Bona fide perlatum nuper ad me Parisiis nobi-
lissimum illud opus Caroli, filii tui : De fami-
liæ Romanæ Numismatibus antiquis. Dignum, certe,
munus quod terra marique Potentissimi Regis,
Ludovici, manus oculosque exerceat. Qui, terri-
bili tandem Marte atque Gorgone consopitis, nunc
etiam, inter Regni sui otia, de promovendis
Sapientiæ studiis, de Literis et Musis cogitat. Ra-
ro exemplo felicitatis et fortunæ Regum princi-
pumque in Europa. Quare, non mirum, si novos
hinc inde Marones Tulliosque excitet, post mag-
nos Patinos, Menagios, Ogerios in Gallis vestris. Ipsi
nos Belgæ, qui vix oculis nostris, fateor, fulgo-
rem istius Ostri pati possumus. Tantique Regis
tacito attactu Spirituque inflammati, pene ab ho-
mine in Vates pertransimus. Utinam ! porro Rex
Ille Magnus Potentiam suæ Majestatis per orbem
Christianum promoveat. Productoque Imperii
limite, etiam in ultimis Africæ finibus trophæa sua
statuat. Ne regno rebusque nostris infestus, ille al-
ter, è Scythia Thraciæque littoribus trux Alcides,
immanis Turca, infeliciter tandem lateri nostro