Commentaires de la Faculté de médecine de Paris
BIU Santé, tome xiii, fo 446 ro.
Acta et Comitia Facultatis.
Die Sabbathi 12. Novembris, anni 1650. post
sacrum, supplicavit Facultati pro vesperijs et
doctoratu, Mag. Robertus Patin, Licentiatus,
Decani filius. Supplicuit quoque pro docenda
Chirurgia in suo vico Divi Honorati, Mag.
Iacobus Gamare. Utriusque supplicationi
annuit Facultas.
Die Lunæ 19. Dec. 1650. supplicavit
Facultati pro Vesperijs et doctoratu, Mag.
Io de Bourges, Licentiatus, cujus supplicationi
annuit Facultas.
Die Lunæ 30. Ianuarij, anni 1651. Mag.
Ioannes Pietre, Ex-Decanus, reddidit in
Scholis superioribus rationes posterioris sui
decanatus, quas probavit ex omni parte
Facultas. Ei debentur à facultate 440 £. cum
9. assibus, et xi. denarij ; quam summam à me
accepit, et ejus acceptilationem apud me habeo.
Decrevit ei Facultas pro honorario 150. £. Turon.
et unicuique Doctori 4 ℔.
Eodem ipso die, antequam rationes suas
