Commentaires de la Faculté de médecine de Paris
BIU Santé, tome xiii, fo 515 vo
Eodem ipso die, Magister Carolus Baralis,
qui summo suo jure primum in Licentia locum
obtinerat, supplicuit Facultati pro vesperijs et
Doctoratu. Cujus postulationi saluberrima
Facultas annuit, solutis solvendis, sed ea lege,
ut in gratiarum actione, ipso die suæ inauguratio-
nis, abstineat ab omni convitio et contumelias
in singulos Doctores, et alios quoslibet : gratias
dumtaxat agendo deo Optimo-Maximo, sacræ
Deiparæ semper Virgini, Scholæ nostræ Senioribus,
tribus Præsidibus qui olim ei præfuerunt, et
alijs Doctoribus.
Die Sabbathi, 17. Augusti, 1652.
amplissimus Rector Academiæ, Magister
Claudius de la Place, adijt Serenissimum
Principem, Gastonem, Ducem Aurelianensem,
coram quo habuit orationem, ut eum solaretur
de immaturo et luctuoso obitu filij unici,
Ducis Valesij, qui nuper è vivis excesserat.
Die Lunæ, 19. Augusti, 1652. in
vesperijs Magistri Caroli Baralis, supplicuit
pro vesperijs et doctoratu Mag. Franciscus
Lopes ; cujus petitioni Facultas annuit, solutis
solvendis, ea lege ut in sua gratiarum actione, etc.
