Commentaires de la Faculté de médecine de Paris
BIU Santé, tome xiii, fo 520 vo
Ad quintum. Decretum olim latum die 24.
Ianuarij, 1643. quo cavetur ne quis nominari
possit in Decanum Scholæ, contra quem habeatur
vel exstet aliquod Decretum in Commentarijs salub.
Facultatis, esse renovandum : imò, et ab ipso
Decano, priusquam magistratu decedat, quinque
Electores novo jurejurando esse adstringendos, se
nullum ex Doctoribus in Decanum nominaturos ex
ijs in quos exstet aliquod Decretum in nostris
Commentarijs, ne forsan, ut antehac contigit,
malis quorundam artibus corrumpantur et lace-
rentur. Sicque conclusit Decanus.
Die Martis, 24. Septembris, 1652. saluberrimæ
Facultatis speciali articulo convocatæ, quatuor
proposita sunt à Decano negotia. Primò. De
Examine pro tertia vice instituendo ad proxima
Remigialia, propter præsentem illam paucitatem
Baccalaureorum.
Secundò : de accipiendis literis Candidatorum
qui sese offerunt.
Tertiò. De definiendo die habendi atque
celebrandi Examinis proxima hebdomada, in
Scholis superioribus.
