Autres écrits : Commentaires de la Faculté rédigés par le doyen Guy Patin (1650-1652) : 1B. Novembre 1650-novembre 1651, Décrets et assemblées de la Faculté de médecine, note d.
Transcription

Commentaires de la Faculté de médecine de Paris
BIU Santé, tome xiii, fo 447 vo.

    Die Mercurij, 1. Februarij, 1651. à nostris
Baccalaureis perlati sunt cerei pro laudabili Scholæ
nostræ consuetudine, ad Illustrissimos Senatus et
Urbis Magnates.

    Amplissimum quoque Parisiensis Academiæ
Rectorem, Mag. Ioan. Courtin, Arvernum, in
sacra Theologia licentiatum, comitatus sum cum
duobus Collegis meis, Mag. Paulo Courtois, Censore,
et Mag. Roberto Patin, eodem ipso die, et sequenti,
qui fuit dies festus Purificationis Beatæ Virginis,
apud Magnates et viros Principes, præsertim v. Sere-
nissimum Ducem Aurelianensem, Gastonem, Henrici
Magni filium, et Christianissimi Regis patruum :
Anglorum reginam in arce luparæ commorantem :
Illustriss. virum D. de Chateauneuf, Sigilli regij
Custodem, etc.

    Die sequenti, 2. Februarij, Regem ipsum
Christianissimum Ludovicum xiv adivimus :
ejusdem Fratrem unicum, D<omi>num Ducem Andega-
vensem : Serenissimam Reginam Regentem, Annam
Austriacam, eorum Parentem : denique Eminentis-
simum cardinalem Iulium Cæs Mazarinum,
summum Regni Gallici Administrum, tunc
temporis gratiâ et authoritate multa pollentem
apud Reginam.

Imprimer cette note
Citer cette note
x
Correspondance complète de Guy Patin et autres écrits, édités par Loïc Capron. – Paris : Bibliothèque interuniversitaire de santé, 2018. – Autres écrits : Commentaires de la Faculté rédigés par le doyen Guy Patin (1650-1652) : 1B. Novembre 1650-novembre 1651, Décrets et assemblées de la Faculté de médecine, note d.

Adresse permanente : https://www.biusante.parisdescartes.fr/patin/?do=pg&let=8183&cln=d

(Consulté le 28/03/2024)

Licence Creative Commons