Commentaires de la Faculté de médecine de Paris
BIU Santé, tome xiii, fo 499 ro
fructibus, emolumentis atque privilegijs Scholæ spoliari
quousque ad sanirem mentem revertatur, et Scholæ nostræ
legibus se subijciat : imò et à Scholæ limine arcendum
atque repellendum proximo die Iovis, undecimo Ianuarij,
anni proximi 1652. in 2. quodlibetaria Mag. Danielis
Arbinet, præside Magistro Germano Hureau, novo
Medicinæ Doctore : quo die fuisset ejus appositum nomen
in Thesi, inter Doctores disputaturos, nisi propter suam
pervicaciam et contumaciam fuisset ante quinque
menses expunctus è numero et catalogo Doctorum, dum
pro suo de Stibio, vernaculo libello, Censuræ nostræ metu
perculsus, ad Senatum procuravit.
v. Audita expostulatione Mag. Ioannis Merlet, viri
clarissimi, de Codice medicamentario, iterum et de novo
typis mandando, sed priùs emendando, atque à tot
quibus scatet erroribus repurgando ; imò et vinum emeticum,
potiùs venenum hermeticum, Decretis Facultatis toties
damnatum, inde avellendo et eradicando ; Censuit Facultas
speciali articulo convocandum esse totum Ordinem, ex quo seligentur
aliquot Doctores quibus hoc officium imponetur, atque demanda-
bitur, qui deinde referent ad Facultatem. De quibus singulis
sic conclusit Decanus.
Die Veneris, 29. Decembris, 1651. horâ sesquiprimâ præcisè,
convocati Doctores omnes per schedulam more solito, deliberaturi
