Page 85

gaudium ad lacrymas usque testari, mihi ob tam grata
sibi studia gratias agere, omnia quæ sua essent, polliceri.
Fortunam semper contempsi, inquiebat, quam in
solius tui amorem, ampliorem jam cupio : Ædibus
porrò, villa, bibliotheca, pecunijsque meis ut tuis
utere. Ad hæc me pro ipso nihil adhuc præstitisse
reposui, abundè agnoscere paterni affectus abundan-
tiam ; non soluisse me quod deberem, cæterùm in reti-
nenda debita obseruantia constantiam mihi nunquam
defuturam. Ædes separatas a suis tunc me habitare
voluit, quas honestissima supellectile decorauit, supe-
raddita bibliotheca selectissimis libris conspicua, ad
rem præcipuè medicam atque politiorem litteraturam
pertinentibus : Cui præterea et σκελετους omnis generis,
et instrumenta chirurgica, et abacum Europæis ac
exoticis medicamentis refertum, et tabulas geogra-
phicas chronologicasque, et illustrium virorum icones,
et numismata adjunxit ; adeoque vix quidquam excogi-
tari potuit animo erudiendo, oblectando, aut inflam-
mando aptum quod hîc defuerit.

Mirabatur ille atque ego magis, hominum frequen-
tiam mea opera utentium, facto a plebeis initio ad Ma-
gnates citissimè progressus sum. Monacharum mona-
sterijs quibus opem medicam ferebam, urbanorum
negotiorum multitudo valedicere coëgit : Solo incura-
bilium, ut vocatur, xenodochio retento, quod ut inter
totius orbis locupletissima celebratur, sic rarissimis
suis morbis mihi et utilitatem et honorem non
contemnendum afferebat.