Commentaires de la Faculté de médecine de Paris
BIU Santé, tome xiii, fo 482 ro.
summa quam sibi conferi sperant et postulant ab Aca-
demia Paris. in speciem subsidij, pro solvendo
honorario Professorum annuorum. De quo subsidio nobis concedendo
omnes consentiebant, præter ordinem Theologorum, quorum
hæc erat ratio, dies esse malos et difficillima t<empor>a :
p<ropt>ereáq. hoc negotium esse in aliud tempus reijciendum.
Notandum a<utem> ipso die 21. Martij, post habitam
orationem à D. Rectore in Capitulo Mathurinensium,
à quibusdam fuisse tumultuatum in gratiam
Hibernorum, de quibus suprà : in quibus familiam
ducebat ipse Sorbonæ Syndicus, Mag. Franciscus
Hallier, et alij quidam Theologi, præsertim
Navarrici, à studio partim Molinistæ dicti, et
alij à patribus Loyolitis et à Patre Vincentio
incitati, ut molestiam crearent et vexationem
facerent alijs Theologicis, viris sanctissimis, optimis,
ac eruditissimis, qui p<ro>pter eximium quendam virum
et ingeniosissimum scriptorem, Iprensem Episcopum,
Cornelium Ianssenium, Ianssenistæ dicebantur.
Voluit quidem in ipso Capitulo Mathurinensium, ipse
D. Hallier aliquid proponere, sed ab alijs fuit
impeditus.
Die Veneris 21. Aprilis, in extraordinarijs
comitijs conclusum est, omni conatu intercedendum
esse patribus Loyolitis, qui Collegium volebant
instaurare in fano S<anc>ti Quintini, ideóque
