Commentaires de la Faculté de médecine de Paris
BIU Santé, tome xiii, fo 502 vo
tanquam leges inviolabiles et æternæ, à Senatu
Parisiensi nobis impositæ, longæ præstantioris ac
sublimioris naturæ quàm illa quæ ex libello
supplice passim impetrantur, quæ vulgò dicuntur
Arrests sur requeste. Quibus singulis à Decano
prolatis, ab apparitore Nic. Doucin scriptis, tu et
ab ipso Decano subsignatis, manu propia :
recessit et abijt Charterius cum apparitore suo :
et sine alio turbamento habita est disputatio
publica usque ad meridiem : nec potuit disputare
Charterius, propter crimen læsæ dignitatis
Scholarum nostrarum, et violati Decreti nostri
lati 12. Iunij, 1651. provocando ad Senatum,
tunc cùm legibus nostris sese subijcere ac sub-
mittere debuisset. Fuit autem illud Decani
responsum ad Scholæ παρανομον, Ioannem
Chartier, et ejus apparitorem, tum à præsentibus
Doctoribus, tum etiam à quam-multis alijs
qui postea accesserunt, apprimè laudatum et
probatum. De eventu Deus ipse viderit cui
boni curæ sunt.
Die Martis 16. Ianuarij, 1652. mihi per
apparitorem significari curavit Domina Anna
Bergeret, vidua Mag. Iacobi Cornuti, olim
dum viveret, Collegæ nostri, sibi non Mariæ
Germain, deberi à Facultate summam trium
millium libellarum Turonensium, à die 13.
