Commentaires de la Faculté de médecine de Paris BIU Santé, tome xiii, fo 544 ro.
partem prati Clericorum, quæ est Academiæ, ipsius Academiæ
Paris. sumptibus : quod postulabant in proprium suum commodum
nobiles quidam viri, qui ex fundo quem redemerant ex ab Academia
Parisiensi, in quo ædes construxerant, quasdam pecunias ex
annuo reditu debebant Academiæ : quales sunt Domini D.
Tambonneau, Præses in Camera Computorum : Pithou,
Senator Parisiensis : Bragelonne, Præses in secunda
Decuria Inquisitionum : Leschassier, Magister in Curia
Rationum: et alij. Quod si dictus Dominus Præfectus
Mercatorum, neque Ædiles, rationibus à Domino Rectore
allatis nollent cedere, illis statim provocationem indiceret ad
superum Senatum.
3. D<omi>no de Launoy, Doctori Theologo Navarrico
offerendum esse aliquod munus, v. gr. libros aliquot
historicos vel Theologicos, nomine Academiæ Parisiensis,
cui sæpius in rebus dubijs, ex sua multiplici eruditione, et
infinita lectione, optima consilia suggessit : ut et tres
alios libros esse offerendos D<omi>no Bechefer, antiquiori
substituto Domini Procuratoris Catholici : et alios tres
esse apparandos, qui offerentur alij Substituto, dicto Domino
Acard, de Academia Parisiensi meritissimo.
4. D<omi>no Doüé, Procuratori nationis Gallicanæ, conce-
dendam esse interventionem in lite adversus D<omi>num de
Nouveau et Burin, pro tabellario Rhedonensi, in ipso
