Commentaires de la Faculté de médecine de Paris BIU Santé, tome xiii, fo 547 ro.
beneficia quibus incumbat cura animarum, si distent ab
Urbe supra iter unius diei ; post auditam supplicationem viri
doctissimi, D<omi>ni Goux, Ph<ilosoph>iæ professoris, et Censoris natio-
nis Gallicanæ.
4. Propter egestatem publicam, decretum fuit, ut tot
mendicorum inopiæ succurreret ipsa Academia pro virili,
trecentas libellas esse erogandas pro pauperibus parœciarum
ipsius Academiæ, Sanctorum Bendicti, Hilarij, Nicolai de
Cardineto, Stephanii, Medardi, etc.
Die Sabbathi, 31. Augusti, 1652. decretum fuit
cuidam inopi pædagogo dicto Dorigni, elargiendas esse
triginta libellas ad succurendum ejus inopiæ. Actum
quoque fuit de renovando, ampliando, et strictè atque ad
rigorem observando Decreto antehac lato, adversus Regentes
et Professores Academiæ qui beneficia possident curialia,
quibus residere tenentur ex jure divino, nisi forte fuerint
in locis suburbanis, dans la banlieuë de Paris, id est intra
unam bonam leucam, etc. super qua re mirabilia retulit
cum magno zelo vir præstantissimus D<omi>nus de Merbes,
Procurator Picardiæ.
Die Veneris, 6. Septembris, 1652. in comitijs extraordi-
narijs Academiæ habitis apud Mathurinenses, horâ septimâ
matutinâ, Rector amplissimus Academiæ Parisiensis,
