Commentaires de la Faculté de médecine de Paris BIU Santé, tome xiii, fo 547 vo.
Magister Claudius de la Place, et proceres Academiæ,
tres nempe Decani et quatuor Procuratores nationum,
grato animo exceperunt nominationem, à triduo
factam, à saluberrima Medicinæ facultate, viri
dignissimi et meritissimi, Magistri Simonis
Pietrei, Parisini, in Senatu Patroni, pro
Parœo S<anc>ti Germani veteris, quæ fuit ab omnibus
probata et accepta, quod sit heres avitæ et paternæ
virtutis ; utpote natus avo Magistro Simone
Pietre, Meldensis, Doctore Medico, et saluberrimæ
Facultatis Decano, anno Christi 1566. qui
obijt anno 1584. Patre Dom. Nicolao Pietre, viro
maximo ac eruditissimo, Medicæ Facultatis
Decano, anno salutis 1626. qui obijt antiquior
Magister Scholarum, anno 1649. Patruo et
lustrico parente, Magistro Simone Pietre,
Doctore Medico Parisiensi, et Professore regio,
qui obijt anno 1618. et fuit ille vir incompara-
bilis, gravissimus, eruditissimus ac sanctissimus :
tum quoque Fratre Magistro Ioanne Pietre,
Doctore Medico et Decano Facultatis anno
Christi 1648. adhuc superstite ; eóque viro
doctissimo : de qua familia insigni ac illustri verè
