Ms Montaiglon, Collège de France, page 159 (non disponible en ligne).
Clarissimo viro D.D. Volcamero, Doct. Medico, Noribergam.
Die Veneris 22.
Aprilis, 1650.
Ecce vir clariss. tuas accipio, et ijs respondeo. Dominæ Lauxiæ accepti-
lationem et gratum in me animum æquè grata mente accipio, quàm Illa
decem thaleros. ^Laus sit Deo immortali, qui nobis hæc otia fecit. Maximi viri Casp. Hofmanni memoriam sacrosanctam
habebo, et usq. colam, eritq. mihi semper graticarissimum quicquid quoquomodo
Hofmanicum fuerit : et ejus præsertim amici, in quib. mihi familiam
ducunt optimi et humanissimi virorum D.D. Volcamerus, Norib. Medicus,
et Car. Sponius, Norib. Lugdunensis, ^candidissimæ animæ.
De tuo Botallo gratias Tibi ago :
alius forsan tandem hîc occurret : tuum habeto Tibi, et lege, eóq. utere :
sana est ac optima hujus libri doctrina, qua
commendet, Septentrionalibus populis nimis projectam : sed verus illius auctor,
ut semel dicam, non est ille Botallus, Medicus aulicus circa ann. Christi 1578.
sed Michael Marescotus, Scholæ nostræ Parisiensis doctor eximius, qui hîc
valdè senex obijt ann. 1605. Vir fuit arte potens, opere et sermone disertus :
ac suæ tempestatis Medicorum princeps, qui filium reliquit libellorum suppli-
cum Magistrum ; generúmq. habuit virum omni laude dignum, et prorsus In-
comparabilem, M. Sim. Pietreum, quantum humana mente capi potest artis
medicæ intelligentissimum. Obijt ille Simon Pietre 24. Iunij, 1618. cujus liberis erudiendis olim præfectus fuit noster
M. Ren. Moreau, à quo factus est Medicus Paris. Simonis illius verè senonis
et penè divini Doctoris frater decennio minor fuit alter Doctor supra omnem
laudem omnesq. titulos positus, M. Nic. Pietreus, qui cùm esset Antiquior Scholæ
nostræ magister, octogenarius hîc obijt, 27. Febr. ann. 1649. quique
non omnino à vivis excessit, Filium enim reliquit similem sibi, hodie superstitem
Ioannem Pietreum, in se vivo maximorum virorum Patrui et Simonis, et
Nic. Parentis magnas dotes et doctrinam complexum, hodiéq. facultatis
nostræ ad tempus Decanum. Hæc est magnorum virorum enumeratio, quæ
si Tibi molesta fuerit, parce zelo meo, summos enim illos viros et supra sortem
humanam positos, ex animo colo et suspicio : novisti illud Davidicum, generatio
rectorum benedicetur. De Mich. Marescoto vide illustriss. Thuanum, sub
ann. 1599. et 1600. ubi de Martha Brosseria, à pessimis nebulonibus,
indoctis monachis, et imperita sacrificulorum gente falsò reputata
dæmoniaca.
Plurimùm me Tibi obstrictum fateor de libris mihi
coemptis : utinam et alios tandem reperias, quod spero tandem facturum.
Novum librum Observat. medicinalium Aug. Thoneri gaudeo quod adjun-
xeris, quamvis non rogatus : singularum pretium libetissimè refundam.
Librorum à Frambotto editorum catalogum utinam per Te possim videre.
Nihil adhuc instat Tibi mittendum ex D. Riolano, utpote cujus lis pro
Filij nuptijs nondum sit terminata. Loyolitis istis bipedum nequissi-
mis, crucem exopto et famem quem scelerib. suis jamdudum meruere.
De trib. exemplarib. Instit. Medicæ Casp. Hofmanni, certum habeas
me earum rationem habuisse cum D. Sponio, eásq. me ei solvisse : quod si
Ille, vir optimus, suis expensis annumeraverit, aliud cogitans haud dubiè
fecerit : ideóq. ad eum scribam, ne quid interea te turbet aut impediat
isthæc difficultas. De tuo munere Roberto meo collato gratias
ago, et utinam citò videam. Ejusmodi Instit. Medicæ novam editionem
deberes in Germania procurare, restituta pace, præfixámq. illam Epistolam,
Iac. Cusinoto dicatam tollere, utpote qui obierit ann. 1646. 25. Iunij, sicq. toti
