Ms BIU Santé no 2007, fo 41 ro.
Clarissimo viro D.D. Thomæ Bartholino, Doct. Med. et Prof. regio, Hafniam.
Per amici nostri D. Henrici Gras, Medici Lugdunensis commedationem, factum est ut
vir nobilis D. Scavenius, popularis tuus mihi innotuerit : ex cujus benevolentia occasionem
ad Te scribendi statim arripui, ut scias me vivere ac valere Tibi addictissimum. Ante octo
menses ad Te scripsi, misique librum novum D. Io. Riolani, adversus Pecquetum et
Pecquetianos Doctores duos à nostris quibus tanquam ranis coaxantibus, silentium imposuit ^ arguto et acri responso. Tibique
reddendum commisi D. Garmers, Medico Hamburgensi, ex Italica peregrinatione in
patriam revertenti : quem an acceperis, nescio certè, sed saltem eximè opto. Noster Riolanus
vivit et valet ferè octogenarius : aliquid audivit de novo quodam tuo libello in se exarato,
quem nondum vidit, neque enim adhuc ad nos pervenit. Encheridij sui Anat. et Pathologici
novam editionem meditatur, quam noluit ante hyemem à Typographis inchoari,
quoniam hybernis mensibus ferè semper malè habet ex asthmate : nunc v. sceleratissimo
frigore, senib. imò studiosis omnibus inimico liberatus, in eam promovendam incumbit :
erit illa in 8. tertia parte adaucta. Dominum Erasmum Barthol. fratrem tuum pro-
xima æstate hîc exspecto, ex Italia reducem. Faxit Deus, Teque vir clarissime
semet, atque prospera firmáque valetudine fortunet, quod unum inter humana omnia, mihi
deesse videtur. Vale, et me ama.
Tuux ex animo Guido Patin, Bell. Doctor Med.
Paris. et Professor regius.
Parisijs, die x. Martij, 1656.
