Ms BIU Santé no 2007, fo 41 vo.
Clariss. viro D. Thomæ Bartholini, regio Medicinæ Professori, Hafniam.
Brevissimas hasce literas raptim scribo, reddóque amico tuo Martino
Bogdano, qui me nomine tuo convenit, salutavit, ostenditque mihi tuum Spici-
legium ex Vasis Lymphaticis, etc. quod illi statim reddidi offerendum Pecqueto :
In duobus illius Spicigelij locis, me cum honore nominatum voluisti : de quo sin-
gulari tuo in nos amore gratias ago amplissimas. In dies expecto tuum fasci-
culum quem ad me destinasti : ut Responsum tuum adv. Io. Riolanum possim
illi exhibere : De illo ad Te nuper scripsi per Scavenium : cùm potueris mittes
ad me si placet, Spicigelium tuum, et quæ sequentur. Rothomagi currit sub
prælo, tacito nomine Mentelli auctoris, expresso cujusdam Medici Rothom. dicti
Henaut libellus qui dicitur acerrimus futurus adversus Riolanum : sed quando sit
proditurus, nescio. Vale et me ama. Plura aliàs.
Tuus ex animo Guido Patin.
