Ms BIU Santé no 2007, fo 45 vo.
Clarissimo viro D.D. Melchiori Sebizio, Io. Ant. Vander Linden, Doctori Medico eximio, Argentinam Leidam.
Vir Cl. Non dubito Te postremas meas accepisse, 7. Iulij datas : de quibus responsum
quum voles accipiam : intereá v. scias velim, nos hîc habuisse, sed per dies dumtaxat
pauculos, habuisse virum clariss. D. Van Horne, à quo postremam tuam accepi. Clariss.
nostrum D. Riolanum virum Seniorem vidit, salutavit, et cum eo colloquutus est :
imò convivio exceptus, ut et ego cum illo, Te doctissimúmque virum D. Vorstium, plenis
scyphis salutavimus, in mensa D. Riolani : Idem nos hîc effecturos sperabam,
nisi propter quandam quæ sese obtulit revertendi occasionem, à nobis tam citò ereptus et præter omnem
spem, non sine dolore meo maximo tam citò avulsus fuisset. Hîc aliquid delibavit
atque tractavit cum peritissimo chirurgo ex vicinia mea, pro filio tuo, apud eum
collocando : tuum erit de ijs decernere, quæ ad Te referet : si res ipsa mei esset juris aut arbitrij,
teipsum Iudicem in propria tua causa, non alium agnoscerem atque constituerem.
Clar. Hofmanni MS. Codices vidit et probavit. Vale, vie præstantissime,
et me ama.
Tuus ad omnia Guido Patinus, Doct. Med. Paris. etc.
Parisijs, die Martis, v. Sept. 1656.
