À Christiaen Utenbogard, le 3 septembre 1658
Transcription

ms BIU Santé 2007, fo 73 ro.

Viro Cl. Domino Utenbogardo, Ultrajectum.

Quod suavissimam Matrem tuam lugeas, apprime doleo : utinam tempus
quod omni morbo solet mederi, luctum tuum tandem abstergat. Quod Cl. Schookius
bene se habeat, eiq. sint adaucta stipendia, gaudeo, et lætor ejus virtuti ac
eruditioni honorem habitum fuisse. Si mendacia illa Voetij 350. Latinè edita
prostarent, vellem habere : si Belgicè tamen, non curo. Pro ea quam accepi Epistola
Cl. D. Dimerbroeckij, gratias Tibi ago, et ei quoq. quem nomine meo, si placet,
salutabis : sed numquam mihi persuadebit pestilenti morbo conferre posse
Theriacam, quæ mihi est merum officinæ pharmaceuticæ excrementum, ne
dicam venenum : sed nolo cornicum oculos configere velle videri : suam quisque
amet sponsam, suam quisque retineat hæresim : Quisque suos patimur
manes : plantæ quæ firmas egerunt radices, numquam nisi difficilè avelluntur.

Imprimer cette note
Citer cette note

x Correspondance complète et autres écrits de Guy Patin, édités par Loïc Capron. – Paris : Bibliothèque interuniversitaire de santé, 2018. – À Christiaen Utenbogard, le 3 septembre 1658. Note s

Adresse permanente : //www.biusante.parisdescartes.fr/patin/?do=pg&let=1140&cln=s

(Consulté le 09.07.2020)

Licence Creative Commons