Ms BIU Santé no 2007, fo 117 vo.
Cl. viro, D. Christiano Utenbogardo, Ultrajectum.
Ante paucos dies, Vir Cl. monitu Io. Droüard, Chirurgi vestratis,
literas ad te dedi, cum Epistola ad Sim. Moinet, pro qua Te rogabam, ut
ei tutò redderetur : Nunc a. alia de causa ad te scribo, pro qua Te rogatum
velim, ut ignoscas meæ curiositati : Samuel Maresius, gente Gallus, ut et
Ecclesiastes in Hollandia, vir sanè eruditus, et multæ lectionis, multa
hactenus edidit tam Opera quàm Opuscula, per quæ mihi innotuit, et
ex quib. multa habeo : nuper a. incidit in manus meas omnium ejus Operum
Nomenclator, ex quo facilè cognovi quàm multa mihi deessent, quo-
rum Catalogum, ecce ad Te mitto, rogóq. ut per aliquem Bibliopolam
vestratem, ea mihi quærantur, ac emantur : pro quorum emptione im-
pensam pecuniam statim Tibi repræsentabit noster Simon Moinet.
