Ms BIU Santé no 2007, fo 152 vo.
Cl. viro D. Seb. Scheffero, Med. Doctori, Francofurtum.
Vir Cl. Gaudeo quod vivas et valeas, cum Cl. Parente tuo, quem
Deus servet. Ecce ad Te mitto aliquot effigies novas, quæ utinam faciant
ad rem tuam : cum literis Amici tui D. Moquillon. Nullus hîc est omnino
liber novus : intra mensem habebimus Iac. Hollerium de morbis inter-
nis, in folio, cum varijs Commentarijs, Lud. Dureti, Ant. Valetij et Io.
Hautini, qui 4. fuerunt olim Doctores Medici Paris. inter multos eximij.
Postquam prodierit ad Te mittam, cum alijs si prostent. Ex Anglia
Sam. Bocharti librum expecto de Animantib. sacræ Scripturæ : in fol. et
Diogenem Laertium, Casauboni, Menagij, et aliorum : utrumque ma-
gnum Opus ac eximium. Audio quoque Lugduni Celtarum typis mandari
novum librum Th. Fieni, de signis morborum : quem nondum vidi. Rex
noster cum magno comitatu init in Lotharingiam : quid posthac sit
acturus, adhuc nescitur. Filij mei Te salutant : ego Te et veneran-
dum Senem Parentem tuum, quem qui utinam vivat in multos annos.
Vale, vir Cl. et me ama. Tuus ex animo Guido Patin. 28. Aug. 1663.
