Ms BIU Santé no 2007, fo 169 ro.
Clariss. viro D. Christiano Utenbogardo, Med. Doctori, Ultrajectum.
Nobiles 4. juvenes vestrates heri me convenerunt, tuóq. nomine mihi obtulerunt libros
quinque, duo nempe Exemplaria Discursus de bello Turcico, Io. Veslingij librum
de Opobalsamo, etc. Iac. Flacci Dissertationem, etc. cum libro Cl. viri D. Tim.
Gesselij, etc. quem virum egregium officiosissimè saluto : eique ut et Tibiq. pro singulis
tuis libris gratias ago singulares. Tuis 4. juvenibus omne genus officiorum sincerè polliceor ;
agunt de adeunda civitate Andegavensi, ut ibi discant Gallicè loqui absque ullo
impedimento. Iacobus Leschassier, famosus olim Patronus in Senatu Parisiensis,
fuit patruus D. Christ. Leschassier, Maistre des Comptes à Paris, et premier Direct.
de l’Hospital general, quem vidisti. De obitu Cl. viri D. Vand. Lind. fortiter doleo : filius ejus
qui hîc erat, hodie vivit apud suos, cum Matre. Veslingium tuum Tibi remittam.
Horti D. Ioncquet aliud exemplar habebis : ille novam descriptionem molitur horti
regij Paris. quæ postea typis mandabitur : ad cujus locupletationem plantas omnes suas
transtulit : sic hortus Ioncqueti transijt in regium. In libro Iac. Flacci, pag.
68. legendum Iac. Leschasserij, quem olim vidisse me memini : vir fuit eruditis-
simus, et Patronus celeberrimus, Patruus ejus quem vidisti. Ejus Opuscula quæ
dam posthuma fuerunt hîc edita : petam à D. Christ. Leschassier, Exemplar
unum quod Tibi mittam. Si noveris illum Iac. Flaccum, virum eruditum,
moneas illum meo nomine, cum salute plurima, ibid. pag. 68. 68. post Petri Pithæi
(sic scribendum, Gallicè Pithou ; laudatur amplissimè à nostro Thuano,
sub Henrico 4. patruus fuit D. Pithou, hodie Senatoris amplissimi atque Iuris-
consultissimi in majori ordine, dans la grand Chambre du Parlement : Petri Pu-
teani aliorúmq. etc. subjunge, et imprimis viri eximij Edmundi Richerij,
Doctoris Theologi Paris. et gymnasij Sorbonici Syndici, in erudito suo libello
de Ecclesiastica et politica potestate : ^ qui tot olim turbas/ Parisijs excitavit : et quem etc. quem si videre voluerit, facile mittam.
In gratiam tuorum popularium scripsi Andegavum, eósq. de meliore nota commen-
davi D. le Baillif, Medicinæ Doctori et Seniori Decano, eisque tradidi meam Epistolam
illi perferendam. Mense proximo Iovis Capitolini Legatus purpuratus hîc
expectatur. De Turca, nihil habemus novi. La Chambre de Iustice continue tous-
jours ses poursuites contre les Partisans : ex quo multi plurimum dolent : boni
quoque fortiter ingemiscunt de publica calamitate, quæ per Regis misericor-
diam finem nullum assequitur : interea patitur justus, nec est qui recogitet in
corde suo : rusticus expectat dum defluat amnis, at ille labitur, etc. Omnes tuos
saluto, Te v. imprimis, Vir Cl. cum Io. Heurnio, et dilectissimis Sororibus, atque
Domino Hoenfd. Vale, et me ama. Parisijs, die x. Maij, 1664. Tuus ex animo G.P.
