Ms BIU Santé n^o 2007, f^o 181 r^o.

Thomæ Bartholino, Medicinæ Doctori, Hafniam.

Tandem accepi, Vir Cl. per Legatum vestrum, D. Marcum Goë, fasci-
culum quem misisti, et in quo singula deprehendi optima, pro quib. omnibus gratias
ago Tibi quantas possum maximas : sed nullam in eo reperi Epistolam : sed verùm nihil
refert, modò vivas et valas, et utinam in multos annos. Nihil hîc habemus
in re Medica novi, præter librum Fieni, Med. Lovaniensis, de Signis Medicis.
Lugduni paratur nova Editio omnium Operum Sennerti, ut per universum Orbem
effundantur et distribuantur tanti Viri Opera, tam feliciter et laboriosè
conscripta, in æternam Germaniæ laudem. ^ Sed dic sodes : nonne ante/ annum accepisti Hollerium/ nostrum in folio ? Te, etc. Te et omnes tuos saluto, cum viro Cl. D.
Sim. Paulli. Vale, et me ama. Parisijs, x Dec. 1664. Tuus ex animo, G.P.