Ms BIU Santé n^o 2007, f^o 195 r^o.

Clarissimo viro D. Io. G. Volcamero, Med. Doctori, Noribergam.

Ecce D. Felwingero respondeo, Vir Cl. per Epistolam quam apertam ad Te mitto, ut eam
videas, eámq. occludas antequam mittas. Scripsi ad Cl. Sponium de fasciculo Lugdunum
à me misso, 20. Nov. de quo nondum mihi liquet. In eo habentur libri Filij mei
Caroli, pro D. Richtero : ut et à me, pro eodem, les Memoires de M. de Sulli : 2. tomis in fol.
et alia quædam pro D. Rolfinkio. Succi Indici Cachou dicti frustrum aliquod
ad Te mittam, quando idoneum latorem nactus fuero. Si Tibi occurrat occurrat
vænalis aliquis Liber compactus, qui multas Theses Medicas aut Physicas
contineat, aut aliqua Sylloge ejusmodi Disputationum, qualem hîc unum
per Te habeo, (quod interdum potest contingere post obitum alicujus Docto-
ris aut Professoris Academici,) eme mihi quæso, et facies gratissimum.
Pretium refundam quale indixeris : et de nostris mittam quodcumque
volueris. Hîc habeo Tibi destinatum Hortum regium Paris. in fol. qui est
Nomenclator multarum Stirpium amplissimus. Regina Parens adhuc
spirat, sed spirat tantum. Hîc habeo aliquid mittendum D. Rolfinkio : mittam
cum alijs : Eum saluto, cum D. Richtero, Fabricio, etc. Fidei tuæ commendo
Epistolam meam ad D. Rolfinkium, virum illustrissimum. Hîc habeo Hortum
regium Paris. cujus Exemplar ad Te mittam mense proximo cum alijs,
quæ Tibi comparavi. Vale, et me ama. Parisijs, 28. Aug. 1665.