Ms BIU Santé n^o 2007, f^o 204 r^o.

Cl. viro D. Phil. Iac. Sachs, Med. Doctori, Vratislaviam.

Suavissimam tuam accepi cum gaudio, Vir Cl. sed verùm priusquam ulteriùs procedam
serio maturéq. Te monitum velim, me à Te omnibúsq. eruditis Tui similibus, aliquid
discendi et semper doceri æquo animo paratum esse : sed absit ut quenquam docere posse
me, patior mihi persuaderi. Conveniunt cymbæ vela minora meæ. Quotidie
disco, et scribendo, et legendo, imò et publicè docendo, in schola regia : sed hoc unum
accipe sincerum ingenuitatis meæ testimonium, Ampelographiam tuam in manibus
non accipio, vel depono, nisi doctior et melior factus, propter omnigenam illam su curiosæ