Ms BIU Santé n^o 2007, f^o 221 r^o.

Eidem. Pati nolui præsentium latorem vacuis manibus ad vos redire :
ideo scribo ut Te salutem, et dicam me nuper ad Te scripsisse, nempe 3.
Nov. bene longam epistolam. Vestros Typographos, viros optimos saluto ex
animo, D.D. Schonwetterum et Matth. Gotzium. De vestris libris recuperandis
nondum est confertum negotium : interea v. moneo Te, fac ut nihil ad me per
vos ex Urbe vestra mittatur, ne fures isti manus injiciant. Vale, Vir Cl.
cum D. Horstio, méq. amare perge. Parisijs, 16. Nov. 1667.

Tuus ex animo G.P.