Ms BIU Santé no 2007, fo 225 vo.
Cl. viro D. Matthæo, Med. Doctori et Prof. Franekeram.
Vir Cl. Ignosce lubens, et æquo animo patere ut Te compellem quam-
vis Tibi ignotus : sic voluit Cl. D. Tronchin, et author mihi fuit, ut
sic vellem : volui igitur lubens, et humanitate tua fretus, nec invitus
ad te scribo, ut Te tanquam virum optimum et eruditissimum Te
salutem hacce levi scriptione ; officiorum omne genus Tibi polliceor ac
offero, rogóq. ut in eorum numero me censeas qui Te ex animo colunt
ac venerantur. Hoc Tibi profiteor per Æsculapium, Hipp. et Gal.
saluberrimæ Artis nostræ tria Numina, quæ mihi sæva sint ac in-
fausta si sciens fallo. Hæc habui pauca quæ ad Te raptim scriberem :
Ignosce quæso, Vir Cl. et peccati mei si quid peccavi fuit, culpam totam
deriva aut reijce in D. Tronchin, qui ut hoc auderem et ad Te scriberem, non semel
me provocavit. Vive, vale, Vir Cl. et me ama Tui amantissimum.
Parisijs, 24. Oct. 1668.
Tuus ex animo, Guido Patin, D.M.P. et P.R.
