Ms BIU Santé no 2007, fo 225 vo.
Cl. viro D. Petro Lotichio, Med. Doctori, Francofurtum.
Suavisimam tuam accepi, Vir Cl. pro qua gratias ago quam-maximas,
ut et de amore tuo in filium meum Carolum, per quem tuam accepi. Uti-
nam Te servet Deus Opt. Max. in multos annos cum illustri Amico nostro
Steph. Scheffero. Si quid antehac à me peccatum est in mittendis ad Te
literis, hoc quæso condonabis varietati negotiorum meorum, quorum mole
obruor, ægris invisendis, cathedræ meæ regiæ, et alijs impedimentis, præ-
sertim etiam vitulæ valetudini, quæ hyberno frigore, sceleratissimo
hoste meo præsertim adaugetur. De Petroniano tuo Thesauro sæpius ad varios
scripsi, tam Genevenses quàm Lugdunenses, nec quidquam profeci : ego ignaviam
et inertiam ejusmodi hominum facilè agnosco, ut et difficultatem temporum, quæ omnibus
bonis est gravissima, præsertim in Gallia : nihilominus tamen iterum tentabo,
ut aliquid ab illis vel obtineam vel extorqueam : sed nullam gratiam à Pari-
sinis nostris expecto, qui sunt miseri lucriones, et meri nebulones, soli lucro addic-
ti, et asini ad lyram turpissimi : Et utinam aliquo officio longè gratissimo
Te tandem possem demereri : ea etiam lege ut scyphum inauratum, mox Tibi
persolverem, cujuscumque fuerit pretij : et in hoc obsequio lubens et facilè
desino. Salvet Te Deus, Vir Cl. et me quod facis, amare perge. Parisijs, 28.
Oct. 1668.
Tuus ex animo, Guido Patin.
