Ms BIU Santé n^o 2007, f^o 226 v^o.

Cl. viro D. I. G. Richtero, I.C. Noribergam.

Non est, Vir Cl. quod accuses tarditatem meæ responsionis : frigus nimium quamvis non
intempestivum, vitrea valetudo, negotia multa hoc effecerunt. Filium tuum G. Sigism.
Richterum habebo semper commendatissimum : quem ideo mittes quum volueris. De pretio
non est quod satagas : quod Tu pro me faceres, vel carissimus Amicus noster, cui tam
multa debeo, Dominus Volcamerus, idem et supra facere conabor : Locabitur apud civem
Parisinum, virum bonum et frugi : ejus educationis curam habebo : pro victu et vestitu, Tu impe-
rabis et quod volueris : pro prandio et carna et lecto, triginta asses quotidie sufficient : erunt
itaque pro mense 30. dierum, numerandi quindecim Imperiales, qui faciunt monetæ nostræ
45. lib. Turonenses : vestem dabis qualem volueris : sed ne mittas eum cupio ante xv. diem
Martij, propter longiorem hyemem cui sumus obnoxij. Facile et commode totius Orbis
compendium, populosissimam et maximam civitatem lustrabit : Regem Christianissimum,
totam Aulam, Senatum, palatium, etc. videbit : de pretio ne cures : et ubi post aliquos
menses hæserit Lutetiæ, Lugdunum as Ararium transibit, ad Cl. Sponium nostrum, et D.
Volcameri amicum. Vide ergo, Vir Cl. jube, et decerne, faciam enim quod volueris : habes
enim me Tibi deditissimum et addictissimum Guidonem Patinum.

Parisijs, 26. Ianu. 1669.