Ms BIU Santé no 2007, fo 229 vo.
Cl. viro D. Iac. Pancratio Brunoni, Med. Doctori, Altorphium.
Amplissimas debeo Tibi gratias, Vir Cl. pro Epistola tua, et Opusculo
Iesseniano, quod accepi per D. Volcamerum : brevi ut spero accipies Cl. Viri
Amici olim nostri, Casp. Hofmanni, Apologiam pro Galeno, curis meis editam.
O utinam tandem habere possemus omnium tanti Viri Operum Collectionem
integram, quorum aliquæ partes quæ supersunt, adhuc hærent ineditæ Fran-
cofurti, apud D. Seb. Schefferum, Amicum meum, virum optimum, qui fuit
olim Auditor meus, et Hofmanni gloriæ si quisquam adictissimus ; de isto
negotio olim simulavit se velle mecum agere Batavus quidam Typographus
Leidenensis, qui ante plures annos penetravit ad plures : is erat Ioan. Elsevi-
rius : sed quia nolebam sidesicipi, à mercatore subdolo, nec multum fidei ejus
dictis adhibere possem, nihil egi cum illo, sapientissimorum et expertissimorum
Amicorum consilio provectus, cum isto Io. Els. nihil esse paciscendum aut concludendum,
utpote qui nimis multa polliceretur, paucissima tamen posset præstare, opum nempe defectu :
