Autres écrits : Consultations et mémorandums (ms BIU Santé  2007) : 4, note s.
Transcription

Ms BIU Santé 2007, fo 238 ro.

Pour M. de Rotois, frère du Doyen de Beauvais.

Perfacile est intelligere, Vir clarissime, nobiliss. hunc ægrum
in summo salutis discrimine versari, adeóq. periculum esse ne
perbrevi morbus ingravescens illi vitam eripiat : Scilicet viscera
nutritia ardore multo conflagrantia, sanguinem singulari
quodam genere putredinis inquinatum assiduè fundunt, qui pro
suo ad varias corporis partes appulsu, diversa profert sym-
ptomata, eáq. gravioris alicujus mali prænuntia, illius
cervicibus impendentis : etenim quæ principes partes obsidet
putredo, et cerebro præ cæteris plurimum exhibet negotij, si
latiùs manet atq. invalescat, vim omnem caloris insiti et
humoris primigenij conficiet ac depopulabitur, firmissima
naturæ præsidia labefactabit, ipsáq. adeo vires funditus convel-
let, quib. profligatis æger salvus et incolumis esse non potest.
Hujus calamitatis arcendæ spes aliqua (nam nullam non libet
dicere) in ijs præsidijs posita est quæ sunt à te adducta in me-
dium, inter quæ principem locum tenere debet venæ sectio, è
superiorib. artubus maximè celebranda : hæc enim una grassantem
per omnes venas putredinem coercebit, bili furenti frænos inijciet,
ipsiq. ægroto non minimum afferet solatij, si ter quaterq. modò
vires consentiant, κατ’ επαφαιρεσιν administretur. Quoniam
v. hujus febris focus alter atq. ille multò gravissimus in
cavis jecoris et mesenterio subest, in quod viscera omnia solent reliquias
suas deponere, danda est opera cùm incendium febrile deferbuerit,
ut his in partibus collecta dudum fœda illuvies et cacochymia primo
quoq. tempore foras eliminetur, infuso Ӡij. fol. Orient. Ӡß. rhei,
℥ß. med. cassiæ in decocto rad. cich. gram. tarax. nobili ægro
per iiij. dies continuos propinato. Igitur quæ primùm oblata erit
opportunitas ilius impuritatis expurgandæ, ea utere ; accedant eò
victus ratio accommodata morbo et apozemata refrig. quæ san-
guinis æstum reprimant, leniant viscerum fervorem, ipsásq. adeo
partes principes multùm debilitatas recreent. Hæc omnia suo quæq.
tempore pro ea qua omnibus antecellis singulari prudentia, vir clariss.
curabis administrari, non mediocrem ab ægro nobiliss. et à nobis
gratiam initurus si valetudinem illius extrema exiguáq. spe pen-
dentem in integrum restitueris.

Datum Parisijs 8. Augusti, 1637.

Patin, Pietre, Richer.

Imprimer cette note
Citer cette note
x
Correspondance complète de Guy Patin et autres écrits, édités par Loïc Capron. – Paris : Bibliothèque interuniversitaire de santé, 2018. – Autres écrits : Consultations et mémorandums (ms BIU Santé  2007) : 4, note s.

Adresse permanente : https://www.biusante.parisdescartes.fr/patin/?do=pg&let=8134&cln=s

(Consulté le 29/03/2024)

Licence Creative Commons