Beverwijk a, page 155.

judicium Clariss. et Nobiliss. Viri Hugonis Grotii, quem ad Regem Christianissimum Sueci Oratorem legarunt : quemque eximiæ eruditionis nomine universus pene orbis demiratur. Legit et opus illud aureum Renatus Morellus Regius Medicinæ Professor, quondam præceptor, nunc Collega meus, quem bibliothecam ambulantem vere possim appellare : legit inquam, et quo pollet ingenii acumine laudavit. Denique nemo est qui librum hunc non miretur ob eximiam illam polymatheiam, et reconditam doctrinam, quæ ubique diffusa in hoc opera legitur : quamobrem tantæ doctrinæ virum et Tibi pariter et mihi amicissimum, optarim certe vel Pylios annos vivere, diuque bona valetudine frui, ut pergeat et rei literariæ esse honori, et arti Medicæ, quam apprime callet, ornamento : quanquam istius disciplinæ, quæ ambitu suo latissime patet, finibus circumscribe non valet illius ingens et ad egregia quæque natus animus, si jam ea ætate rerum omnium encyclopædia non sine purpuratorum Italiæ Principum stupor cernitur instructus ac plane expolitus. Sed ut e diverticulo ad viam, et a Naudæo meo ad librum tuum