Ms BIU Santé no 2007, fo 81 vo.
Hîc olim vixit apud nos, Petrus Bertius, qui antequam religionem
mutasset, Leidæ vixerat atque docuerat : memini me illum hîc vidisse anno
1620. mihique commendasse lectionem Colloquiorum et Epistolarum Erasmi,
quem apprime laudabat, et summo suo merito supra omnes pene scriptores
collocabat. Hîc fuit in regio nostro Collegio Geographiæ professor
regius : obijtq. anno 1629. ex dysenteria atrabilaria, valde senex. Multos
reliquit filios, quorum aliqui, et penè omnes fuerunt Monachi, ex ordine
Carmelitarum discalceatorum, ex reformatione B. Teresæ, mulieris
Hispanæ. Ex Te scire velim, an aliqui sint ejus filij superstites in Hollandia,
præsertim aliquis Franciscus dictus : an obierit, quando, et ubinam ? In-
quire si placet ab Amicis, vel interroga seniores tuos, de illo Francisco,
et scribe quando libuerit. Vale.
