Ms BIU Santé n^o 2007, f^o 90 v^o.

Ulmæ edito, quod mihi nuper indicavit D. Romphius, Medicus
Hollandus, quem hîc antehac habui in Schola regia auditorem, et
amicum suavissimum. Librum illum nondum vidi : sed forsan videbo
post Nundinas Francofurtenses autumnales ut et pathemata Sympathetica in qua nimis multæ nugæ : interea tamen gratias ago
quàm possum maximas, utinam et possem referre. Interea v. si quid
hîc possim in tuum commodum, fac sodes ut sciam : tunc enim efficiam ut
intelligas quanti Te faciam, qui sum Horstianæ familiæ tuiq. nominis
cultor studiosissimus. Vale, Vir Cl. et me ama te redamantem.

Tuus æternùm futurus Guido Patin.

Parisijs, die Veneris,
22. Oct. 1660.

Gratias quoque ago