Ms BIU Santé no 2007, fo 116 ro.
statim typis elegantib. mandari curabo, et exemplaria mittam quantum voluerit.
Tempore et loco velle aurem viro eruditissimo, et 2 occupatissimo 1 in reb. serijs, ut indicem
illum tandem conficiat. Quandonam veniet ejus liber de Fermentatione ?
Nuper aliquid scripsit de Sabbato, quod nunquam vidi : ut et de bonis Ecclesias-
ticis, in 4. Collegium Logicum, in 8. de Inundationibus, in 8. et quod scripsit in
Suetonium : quæ singula si placet, ære meo mihi redimes, et postea mittes
Lutetiam, per viam quam Tibi tunc indicabo ; quib. etiam adjungas velim
unum Exemplar, Hollandico more compactum, de fabula Hamelensi,
in 12. Iste liber videtur mihi optimus : Exemplar meum obtuli viro Illu-
strissimo, D. de Lamoignon, viro literatissimo, et Paris. Senatus Principi :
qui me sæpius ad opiparam cœnam invitat, et ad eruditum luxum, ubi sæpe
multos sermones habui de viris eruditis et literatis hujus ævi scriptoribus :
inter quos postremum locum non obtinuit, Amicus noster Mart. Schoockius :
cuiq. postulanti non potui nec debui denegare librum istum de fabula
Hamelensi : quem à Te expecto, et expeto, ut et Vitas Professorum Gronin-
gensium, in fol. Vide hominem perfrictæ frontis, et ignosce. Dissidum nostrum cum
Papa nondum componi potuit : tota res in nervum dicitur eruptura, et in bellum
desitura. Hîc agitur de diæta Rastibonensi, cis paucos menses habenda, et
ad quam missurus dicitur Rex noster, virum illustriss. ac præstantissimum,
cardinalem Retensem. Clar. virum D. Mart. Schoockium saluta. Vale,
Vir Cl. et me ama. Parisijs, die 13. Oct. 1662.Tuus ex animo Guido Patin.
