Ms BIU Santé no 2007, fo 153 ro.
(vel Lexoviensi, vulgo de Lisieux, urbs est in Normania, quæ proprijs reditibus
aliquot alit studiosos inde oriundos,) Io. Brissæum, vulgo de la Brisse, qui nuper è
Vasconia, etc. Brissæus ille vir erat eruditissimus, olim Iesuita : fuit
mihi notissimus, et per multos annos amicissimus. Apprime memini ejusmodi
Declamationum, quas in summa auditorum frequentia habebat in illo Collegio
Lexoveo : sedulo aderam ejusmodi inter quib. sedulo interesse solebam adhuc valde juvenis.
Brissæum illum colui tanquam virum Cl. et de literaria Rep. bene meritum usq.
ad obitum : à 4. annis dumtaxat obijt ex apoplexia, fere octogenarius.
Pag. 26. linea 3. lege. Petrum Valentem, Frisium, 2 linguæ Græcæ Professorem
regium, et primi Ordinis Præfectorem in Becodiano gymnasio, et 1 in aula regia
Cameracensi : in qua provincia gerenda successerat Cl. Viro Nic. Borbonio, Bar-
albulano, cujus tunc temporis auditor eram in Schola regia. Pag. 27. ubi de puella
Aurelianensi : scias velim totum istud negotium fuisse merum figmentum et stratagema
politicum, à quibusdam Aulicis excogitatum, ut rex adhuc junior Carolus 7. à libidi-
nosis amorib. cujusdam amasiæ revocaretur, et validiùs insurgeret adversus Anglos
Galliam deprædantes : ideóq. fictum fuit miraculum de visione B. Mariæ, quia
nomine religionis statim et facilè populos commovetur : ideóq. rectè sensuerunt de illa
re Dion. Lambinus, Steph. Pascasius, Lipsius, Bernardus du Haillan, et alij viri erudi[ti,]
nullatenus superstitiosi : et utinam possem videre, vel ad exiguum tempus, istam
inauguralem Disputationem inauguralem Basileæ propugnatam pro gradu Doctorali à Cl. viro G. Richtero.
Epistolarum, pag. 624. lin. 3. lege Renato Moreau Idem. et pag. seq. quæ
est 625. ante finem lege Renatus Moreau eidem : et illa, paginæ 625.
debebat præcedere eam quæ est in pag. 624. De obitu D. Nicolai, qui
de Hoplocrissmate disputavit, seriò doleo : utinam vir bonus quiescat in sinu
Abrahæ : utinam citò, tutò et ac jucundè Tibi reddatur iste liber multarum
effigierum, quem misi ad Sponium nostrum. Rex noster heri reversus est
ex Lotharingia. Papa nondum in gratiam nobiscum reversus est : nec puto ad
eum unquam reversurum Comitatum Avenionensem. A Turcarum Tyranno nihil
hoc anno esse metuendum vestræ Germaniæ multi existimant : quod est valde
probabilis. De pace cum eo componenda inter Venetos multi bene sperant : quod
utinam contingat. Vale, Vir Cl. et me ama. Parisijs, die 6. Sept. 1663.
Tuus ex animo, Guido Patin.
