ms BIU Santé 2007, fo 175 vo.
mittatur : adde quod, ut audio, facilis est in vestra Urbe, variorum speculo-
rum optio et delectus : de quibus singulis tuum est videre atque decernere.
Interea v. patere ut Te rogem, pro mihi emendis sequentibus libellis :
Iosephus Aromatarijs, Francof. 1626. 4. Otho Faber, in paradoxis de
morbo Gallico, et alia quæ edidit. Fabri Pathologia Spagirica. Io Guidij
de mineralibus. 1627. in 4. Oratio de bona mente : Francof. ad Moenum,
Impensis Io. Davidis Zunneri. 1643. 8. Legatus ille Romanus venit, solemni
pompa Urbem ingressus est, et post triduum ad suos reversus. De Fuqueto,
nihil novi : vivit in carcere, et fruitur Dijs iratis, interea victrix provincia
ploras. Cl. viros saluto, D. Parentem tuum, Lotichium et Horstium. Vale,
et me ama. Parisijs, 21. Aug. 1664. Tuus ex animo, Guido Patin.
