Ms BIU Santé no 2007, fo 191 vo.
Quod si restituatur istud negotium, et recurrat ut antehac cœperat,
statim Te monebo de re, de auctore, etc. Videtur hoc à quammultis
in re libraria curiosis ac studiosis, admodum exoptari, unde fit ut à quam-
plurimis speretur : et utinam contingat. Hîc habeo Tibi destinatum,
Dionem illum Chrysostomum, quem requiris, GræcoLatinum, in fol. bene
compactum, cum versione et Notis Fed. Morelli, Casauboni, etc. Eum Tibi
transmittam per Seb. Switzerum, quem audio brevi huc venturum. De
pecunia illa tua quam hîc habeo, nempe 14. Thaleris, etc. nuntia quid
velis fieri : si velis eam tradam juniori Horstio, quam ab ejus Parente, prout
volueris, recipies. Hebdomada proxima spero ad Te missurum Tandem reperi Indicem Erra-
torum Casp. Hofmanni, de Medicamentis officinalibus, propria ejus manu scrip-
tum, quem ecce ad Te mitto : hebdomada proxima in eandem rem aliam Epistolam accipies,
quæ super eadem re Te juvabit. Vale, Vir Cl. et me ama. Uxorem tuam
saluto, cum Filiolo. Parisijs, 4. Iunij, 1665. Tuus ex animo, Guido Patin.
