Ms BIU Santé no 2007, fo 202 ro.
Provincialem, un Provençal, fortè Massiliensem aut Avenionensem ; sed virum emunctæ
naris, et rei faciendæ studiosissimum : ubi nunc vivat, imò an vivat, planè ignosco :
sed memini ipsum olim apud me egisse de quibusdam Cl. Hofmanni Notis in Gal. quas se ab
Italo quodam Monacho redemisse narrabat Patavij. Folium istud typis mandatum ad
Te proximè mittam cum duobus Exemplaribus Horti regij. Cl. virum D. Rolfinckium saluto,
cum debita gratiarum actione eorum quæ se missurum pollicetur. Si quis Tibi occurrat
vænalis fasciculus Theseώn Medicarum aut Philosophicarum, aut Orationum Academica-
rum præsertim veterum, de vestra Germania, qualem hîc per Te habeo, eas eme mihi quæso, totum pretium libentissimè refundam,
si quis Professor Academicus ad plures penetret qui eas habeat, eme si placet ab
heredibus. Quam requiris schedam Gaffarelli, ecce Tibi mitto ; ea utere et
fruere : si alia requiras exemplaria, possum mittere, et facilè mittam. Vale, Vir Cl.
et me quod facis, amare perge. Parisijs, 17. Dec. 1665. Tuus ex animo, G.P.
